مبروك افتتاح هذا المنتدى الجميل لكل العراقيين
الهجر يكتل يصاحب وانت داري
عليك يخاف كلبي وانت داري
انت اهلي وعمامي وانت داري
انت امي وابوي واخ اليه

ابشرك مابعد بالعين ضل ماي
و حس حته الصبح بجفاك ضلماي
زماني مرادف عله الروح ضلماي
سلب عقلي وشدهني وشد اديه

لانك بأتزانك مؤمن اهلك
أخاف اتشيل ذنبي مومن اهلك
منو ابكدي يحبك مو من اهلك
منو ابكدي يحبك من عشرتك
تمنى يصير اصبع من عشرتك
وانا اشكضيت خايب من عشرتك
اعد بسنين عشرتنا واهج روح
واحس ويه النفس يطالع وهج روح
واخيرا كتلي ودعني وهج روح
اروحا وين ما اكدر هوى انته
وانا الماهان من اجلك هو انته
الي ابدنياي شي واحد هو انته
وحرت بين ان تركته وان تبعته
جدا طويلة اذا اتريدون اكمل بالعدد القادم